وزیرتحصیلات عالی تالبان: استادان ما در بیرون کار می‌کنند، این توهین است و قابل قبول نیست
ندامحمد ندیم وزیر تحصیلات عالی تالبان امروز(سه شنبه۲۰ سرطان)در یک نشستی گفته است که استادان ما در بیرون، در رستورانت‌ها کار می‌کنند و یا رانندگی می کنند که این به ما توهین است و قابل قبول نیست.
او گفته است که استادان با این برخورد شان می‌خواهند بگویند که تحصیلات عالی و علم در افغانستان از بین رفته است.
ندیم از مسوولان وزارت تحصیلات عالی می‌خواهد که با پشت کار ادعای از بین رفتن علم و آموزش را در افغانستان باطل سازند.
اما شماری از شهروندان کشور می‌گویند، پس از تسلیمی افغانستان به دست تالبان از سوی اشرف غنی و امریکا، اکثریت کادرهای کشور بیکار شدند و یا به علت ظلم تالبان وطن را ترک نمودند. مردم می‌گویند،
با بدترشدن اوضاع اقتصادی کشور، بیشتر جوانان کسب علم و تحصیل را ترک کردند و در تلاش پیدا کردن لقمه نانی به خانواده‌های شان استند. از سوی دیگر هزاران جوان به علت بیکاری، ظلم تالبانی و چالش‌های دیگر، افغانستان را ترک نموده و در در کشورهای دیگر مشغول کار شاق استند
#ExileTV
#EXTV
#ExileNews
www.theexile.tv
کامنت ها