بی‌اعتبار اعلام‌شدن خدمات قنسولی ۱۴ نماینده‌گی سیاسی افغانستان در اروپا از سوی تالبان
این وزارت، روز (سه‌شنبه، ۹ اسد) با نشر اعلامیهای گفت که خدمات قنسول این نماینده‌گی‌ها نزد این گروه «قابل قبول» نیست.
وزارت خارجه تالبان میگوید که پس از این، در برابر اقدام‌های این نماینده‌گی‌های افغانستان در اروپا مسئولیت نمی‌گیرد.
این وزارت افزوده که نماینده‌گی‌های افغانستان در لندن، بلجیم، برلین، بن، سوئیس، اتریش، فرانسه، ایتالیا، یونان، پولند، سویدن، ناروی، کانادا و استرالیا از همکاری و هماهنگی با این وزارت در کابل خودداری کرده‌اند.
براساس اعلامیهای تالبان خدمات این نماینده‌گی‌ها، شامل صدور وثایق، ورق عدم مسئوليت، صدور و تمدید گذرنامه و صدور ویزا بوده است.
وزارت خارجه تالبان میگوید که به‌صورت مکرر از نماینده‌گی‌های سیاسی و قنسولی افغانستان در اروپا خواستند با این وزارت همکاری و تعامل کنند؛ اما آنان همکاری و تعامل نکردند.
وزارت خارجه‌ی تالبان گفته است که شهروندان افغانستان و شهروندان خارجی برای دست‌رسی به‌خدمات قنسولی به‌نماینده‌گی‌های سیاسی افغانستان در دیگر کشورها مراجعه کنند.
وزارت خارجه‌ی تالبان در اعلامیهای میگوید که ۱۴ نماینده‌گی سیاسی و قنسولی افغانستان در کشورهای اروپایی بدون هماهنگی با این وزارت، به‌گونه‌ی «خودسرانه» اقدام می‌کنند.
Farzana Ahmadi
کامنت ها